Iða Marsibil Jónsdóttir starfaði sem skrifstofu- og mannauðsstjóri Arnarlax.

Árið 2018 varð hún forseti bæjarstjórnar Vesturbyggðar og gegndi þeirri stöðu til 2021. Þá var hún ráðin framkvæmdastjóri Lax-inn, fræðslumiðstöðvar fiskeldis í Reykjavík, og varð sveitarstjóri í Grímsnesi árið 2022.

Iða Marsibil hefur einnig tekið sæti sem varaþingmaður Framsóknarflokksins í Norðvesturkjördæmi, á árunum 2022 og 2024.

Baldur Smári Einarsson var fulltrúi Sjálfstæðisflokksins í bæjarstjórn Bolungarvíkur frá 2006 til 2024.

Árið 2019 var hann ráðinn til Arctic Fish sem sérfræðingur í fjármáladeild, samhliða setu sinni í bæjarstjórn. Hann gegnir nú stöðu fjármálastjóra Arctic Fish.

Tryggvi Másson var ráðinn framkvæmdastjóri Sjálfstæðisflokksins árið 2025. Hann kom þaðan beint frá Samtökum fyrirtækja í sjávarútvegi (SFS) þar sem hann starfaði við ráðgjöf í fiskeldi.

Róbert Róbertsson var ráðinn fjármálastjóri Ice Fish Farm árið 2021, en fyrirtækið á og rekur Fiskeldi Austfjarða. Í desember 2025 var tilkynnt að hann hefði verið ráðinn fjármálastjóri Arnarlax.

Róbert er eiginmaður Diljár Mistar Einarsdóttur, alþingiskonu Sjálfstæðisflokksins frá 2021. Diljá var áður aðstoðarkona Guðlaugs Þórs Guðlaugssonar þegar hann gegndi stöðu utanríkis- og þróunarsamvinnuráðherra á árunum 2018 til 2021.

Einar K. Guðfinnsson sat á Alþingi fyrir Sjálfstæðisflokkinn í 25 ár og var sjávarútvegsráðherra frá 2005 til 2009.

Átján dögum eftir að hann lét af störfum sem forseti Alþingis í desember 2016 var hann ráðinn stjórnarformaður Landssambands fiskeldisstöðva. Þegar aðildarfélög sambandsins gengu í SFS árið 2019 hélt Einar áfram hagsmunagæslu fyrir sjókvíaeldisfyrirtækin innan samtakanna.

Hallveig Ólafsdótir starfaði sem hagfræðingur hjá Samtökum fyrirtækja í sjávarútvegi (SFS) áður en hún var ráðin sem sérfræðingur í atvinnuvegaráðuneytið árið 2021.

Hún er nú staðgengill skrifstofustjóra á skrifstofu auðlinda, þar sem löggjöf um lagareldi er unnin. Eiginmaður hennar starfaði hjá Arnarlax til vors 2024 og gegnir nú stöðu viðskiptastjóra Arnarlax og Arctic Fish hjá Benchmark Genetics, sem framleiðir hrogn fyrir laxeldi.

Kolbeinn Árnason var framkvæmdastjóri Samtaka fyrirtækja í sjávarútvegi (SFS) — hagsmunasamtaka sjávarútvegs- og sjókvíaeldisfyrirtækja.

Árið 2020 var hann skipaður skrifstofustjóri matvælaöryggis- og fiskeldis í atvinnuvega- og nýsköpunarráðuneytinu. Hann er nú skrifstofustjóri skrifstofu auðlinda í sama ráðuneyti, þar sem drög að frumvarpi til laga um lagareldi voru samin. Undir skrifstofuna heyra málaflokkar eins og auðlindanýting, sjávarútvegur og lagareldi.

‍

Jens Garðar Helgason var oddviti Sjálfstæðisflokksins í Fjarðabyggð frá 2006 og formaður bæjarráðs frá 2010 til 2018.

Árið 2019 var hann ráðinn framkvæmdastjóri Laxa fiskeldis, í eigu norska sjókvíaeldisfyrirtækisins Måsøval Eiendom AS, og fór í leyfi frá sveitarstjórnarsetu.

Í desember 2020 tók Jens Garðar að sér formennsku í fjárhagsráði Sjálfstæðisflokksins. Mánuði áður hafði Måsøval keypt meirihluta í Fiskeldi Austfjarða (Ice Fish Farm). Félögin voru sameinuð árið 2021 og tóku síðar nafnið Kaldvík.

Jens Garðar er nú varaformaður Sjálfstæðisflokksins. Samkvæmt hagsmunaskrá Alþingis er hann eigandi Irminger Holding ehf. sem á hlutabréf í Kaldvík. Félagið keypti hlutabréf fyrir um 5 milljónir króna í mars 2023 og átti áður hlutabréf fyrir rúmlega 25 milljónir króna.

2017 — Daníel er bæjarstjórnarfulltrúi Sjálfstæðisflokksins í Ísafjarðarbæ. Hann er skýr í afstöðu sinni: stóriðja eigi ekki heima í friðlandi, segir hann um hugmyndir um sjókvíaeldi í Jökulfjörðum.

2019 — Daníel tekur sér frí frá störfum sem formaður bæjarráðs Ísafjarðar og fer til starfa hjá norska sjókvíaeldisfyrirtækinu Norway Royal Salmon, móðurfélagi Arctic Fish.

2020 — Daníel snýr aftur sem formaður bæjarráðs. Andstaðan er horfin. Hann segir nú að hann telji ekki tímabært að banna laxeldi í Jökulfjörðum. Nokkrum mánuðum síðar er hann ráðinn til Arctic Fish sem ráðgjafi í sérverkefnum — samhliða setu í bæjarráði.

2022 — Ráðinn framkvæmdastjóri viðskiptaþróunar hjá Arctic Fish.

2025 — Ráðinn forstjóri Arctic Fish.

2026 — Segir upp starfsfólki Arctic Fish og segir laun þess of há.

Jóhann Guðmundsson var skrifstofustjóri sem stýrði sviði fiskeldis í atvinnuvega- og nýsköpunarráðuneytinu.

Í aðdraganda lagasetningarinnar 2019 var hann í margvíslegum samskiptum við ráðgjafa Arnarlax — fyrrverandi starfsmann ráðuneytisins. Meðal annars sendi Jóhann honum drög að reglugerð um fiskeldi nokkrum mánuðum áður en þau voru birt opinberlega.

Þá kom einnig í ljós að Jóhann lét fresta birtingu nýrra laga um fiskeldi að beiðni eins sjókvíaeldisfyrirtækjanna.

Jón Þrándur Stefánsson kom til starfa í atvinnuvegaráðuneytinu árið 2018 og tók þátt í undirbúningi nýrra laga um fiskeldi sem samþykkt voru árið 2019.

Á sama tíma starfaði hann fyrir ráðgjafafyrirtæki í eigu stjórnarformanns Arnarlax, eins stærsta sjókvíaeldisfyrirtækis landsins.

Ríkisendurskoðun benti á þennan tvöfalda hatt í skýrslu sinni um sjókvíaeldi á Íslandi árið 2023. Sami maðurinn vann þannig bæði að mótun opinberrar stefnu um fiskeldi og gætti hagsmuna einkafyrirtækis í sömu atvinnugrein — á sama tíma.

‍